Првиот модул на Академијата за пратеници од прв мандат и пратеници кои сакаат да ја подобрат својата активност во Парламентот се одржа во ноември, 2024-та година во Тетово.
🔹 Еве низ кои сесии поминаа пратениците во три дена:
✅ „Власта и народот во плетенка“ – Длабинска анализа на поделбата на власта, идеолошкиот спектар и улогата на парламентот во македонската парламентарна демократија. (Предавачи: Ненад Марковиќ, Гордан Георгиев)
✅ „Тајните на собраниските ходници (прв дел) – правна и политичка димензија“ – Законодавната постапка, номотехника и механизмите на контрола. (Предавач: Фадил Зендели)
✅ „Исповеди: Ех, да знаев порано!“ – Поранешните пратенички Ѓулистана Марковска и Ивана Туфегџиќ најискрено споделија лични искуства и предизвици во нивниот мандат.
✅ „Тајните на собраниските ходници (втор дел) – Како се читаат законите?“ – Читање и толкување на закони, собраниски служби и процедурите во парламентот. (Предавачи: Цветанка Иванова, Илија Димовски)
✅ „Emergency session: крчкање на буџетот“ – Како се планира и распределува буџетот во парламентот, транспарентност и јавни финансии. (Предавач: Фатмир Бесими)
Дел од екстра-курикулумот беа сесиите: Будилник: Дали сте добар слушател? (кратки вежби за концентрација, фокус и внимание со актерката Изабела Јакимова) и вечерната Був сесија: бар квиз.
Академијата за пратеници е дел од проектот „Доба на подобри политичари“
