Во присуство на претставници од академската, медиумската и граѓанската заедница (листа на учесници) се презентираше извештајот за изборната етика „Водич за доблесни политичари 2.0“ изработен за време на претседателските и парламентарните избори 2024, од тимот и експертите на Форум за разумни политики: Гордан Георгиев, Ибрахим Мехмети, Александар Спасеновски и Јасмина Трајкоска-Наумоска.
„Учесниците изнесоа различни размислувања и ставови, но речиси заеднички беше заклучокот дека во однос на изборната кампања, земјава евидентира напредок. Направен е исчекор во однос на препукувањата и личните напади, имавме добри избори во рамки на балканските стандарди, немаше инциденти и најверојатно ќе имаме, како што беше речено, мирен трансфер на власта. Како демократија која се уште не матурирала, премногу бараме од политичарите и јавноста да се однесуваат како да сме Холандија, беше речено на денешната дебата по повод Извештајот за изборната етика што го изготви Форумот за разумни политики. Учесниците изнесоа различни размислувања и ставови, но речиси заеднички беше заклучокот дека во однос на изборната кампања, земјава евидентира напредок. Направен е исчекор во однос на препукувањата и личните напади, имавме добри избори во рамки на балканските стандарди, немаше инциденти и најверојатно ќе имаме, како што беше речено, мирен трансфер на власта.“ – извадок од текстот на Мирјана Чакарова, МИА.
„Дистинкцијата меѓу политиката и етиката кај нас е комплетно избледена. Етиката во изборниот процес е нешто што лебди, што постои околу нас и е дел од нашата политичка култура и некогаш не можеме да ја препознаеме зашто се работи за тешко мерливи работи.” – Гордан Георгиев, Форум за разумни политики.
Тимот на Форум за разумни политики се заблагодарува на сите учесници и медиуми кои ја препознаа важноста за оваа тема, особено во критични периоди како што се изборите.
