Форум за разумни политики го реализира проектот Доба на подобри политичари финансиран од Владата на Обединето Кралство, со цел зајакнување на политичкиот процес во Северна Македонија преку градење на демократските капацитети на политичките партии и платформи за дијалог.
Активности
- Локалното е витално. Специјализирана програма за поддршка на општинските партиски организации
Форум за разумни политики ќе обезбеди поддршка на членовите на локалните партиски ограноци за да развијат процедури за подобра транспарентност, и внатрешна и надворешна комуникација и етички стандарди. Ќе се зајакнат капацитетите на локалните партиски раководства за подобра комуникација со своето членство, медиумите, граѓаните и останатите локални чинители.
Реализација: октомври-декември 2024 година
- Академија за пратеници
Преку три модули кои опфаќаат обуки, едукативни тренинзи и менторство, интензивно ќе се работи со пратениците со помало пратеничко искуство или активност. Целта е да се подобри нивното познавање на парламентарните правила и процедури и да се стимулира парламентарната дискусија заснована на политики и демократски стандарди. Селекцијата на пратениците е според критериуми кои опфаќаат етничка, родова, возрасна и партиска припадност.
Реализација: октомври 2024 година – март 2025 година
- Разумни разговори – дебати на високо ниво
Предвидени се три дебати на високо ниво по Chatham House правила, на теми важни за долгорочните перспективи на државата но и на актуелни прашања. Дебатите ќе имаат за цел да ја поттикнат културата на поголема соработка помеѓу политичарите од различни партиски определби, а притоа да отворат теми и дилеми кои се од значење за иднината на државата, меѓуетничките односи и потребата за поефективно креирање на политики и демократско владеење. Тие ќе бидат фацилитирани од експерти од Обединетото Кралство и имаат за цел да ги вклучат носителите на одлуки во политичките партии.
Реализација: октомври 2024 – март 2025 година
