Продолжувајќи ја успешната мината и сегашната работа со политичките партии во земјата и во регионот на Западен Балкан, со посебен акцент на младите политичари, Форум за разумни политики ќе понуди можности за младите политичари и идни лидери да ја научат важноста на политичката одговорност и одговорното однесување, вредноста на компромисот и потребата за поставување демократски и етички стандарди во јавната сфера.
Во еден специфичен контекст пред, за време и по парламентарните и претседателските избори во 2024 година се спроведуваат неколку активности во кои ќе се осврнеме на горливите прашања во македонското општество: распространетата култура на корупција (морална корупција и сите други коруптивни практики), политичката (не)одговорност, неодговорното однесување од политичарите и нискиот степен на доверба кај граѓаните во однос на политичкиот процеси. Вистина е, овие прашања „горат“ долго време, но проектот директно ќе се фокусира на оние поединци кои би можеле да помогнат во заживување на закочениот политички процес во земјата.
